حبـــــــــــــــــــــــــــــــــــــــــــــــــــــك تبــــــــــــــــــــــــــــــــــــــــــــــــــدل
قضيت منك ومن جفاك وتغليك
قلبٍ يبيك أبوقفه عند حده
ذليت نفسي في رجاك وترجيك
ضيعتني ما بين هاته وردّه
مليت من طرد السراب بصحاريك
خلاص قلبي ما بقى فيه شدّه
ما أدري وش اللي صار راحت مباديك
وين الحنان وين ذيك الموده
أول يفز القلب وان جاه طاريك
واليوم وش له في غرامٍ يهده
أقول ياذا الوجه ما أبيك ما أبيك
حبك تبدل مع بطا الوقت ضده
خلاص بعتك عقب ما نيب شاريك
وأيدي غسلته منك في بحر جده
قلبٍ لقى منك العناء وش يبي فيك
وشخص بحجمي ما أنتب اليوم قده
موضوع: حــبــكــ تــبــدل 
17/04/08, 05:04 pm
