قصيدة عصور الجاهلية

السلام عليكم ورحمة الله وبركاته

اخواني واخواتي

مســــــــــاءكم جميل ...

اهديكم هذه القصيدة من قصائدي بعنوان :

<<< عصـور الجــاهـلية >>>


... .... .... .... ....


الصباح اللي تنفّس .. في جيوب أحلى الأماني
حاملٍ معه الأمل .. وسط الحزون السرمديّه


ابتهج صدر الحزين .. وموعد الأفراح حاني
إنولد وقت التلاقي .. والتقى حيّ ٍ بحـيّه


غرّدي لي يا بلابل فرحتي .. هالوقت زاني
راحت أيام المآسي .. مع عصور الجـاهليّه


ارقصي لي يا شموعي .. بعد ما ليلي عطاني
أجمل أماني حياتي .. جابها عندي هـديّه


اطوي أوراق التجافي .. ما لنا بالهمّ ثاني
اليدين إتشابكت مع فرحة إيدينٍ نـديّه


جيتها ليلٍ تهادى في ظلامه قد كواني
وأشرقت نورٍ يشعشع بالليالي الخرمسيّه


جيتها ضامي .. مرارة هالعطش يجرح لساني
وارتويت من القراح وسلسبيلٍ من يـديّه


جيت اسولف له عن اللي بالخواطر من زماني
وسرحت عيني بعينه .. في حلومٍ نرجسيّه


والله أني في سعادة غامرة غطّت كياني
دام هالوجه الصبوح مقابله صبح وعشيه



... وسلامة عيونكم ...